မတ်စောက်လှပသော ထုံးကျောက်တောင်ကြီးများ၊ အံ့ဖွယ်ဂူများနှင့် အေးချမ်းလှသော သဘာဝစမ်းရေအိုင်များ တည်ရှိရာ ဘားအံမြို့သို့ လာရောက်လည်ပတ်ရန် ဖိတ်ခေါ်အပ်ပါသည်။
ဘားအံမြို့သည် မြန်မာနိုင်ငံအရှေ့တောင်ပိုင်း ကရင်ပြည်နယ်၏ မြို့တော်ဖြစ်ပြီး လှပဆန်းကြယ်သော ထုံးကျောက်တောင်ကြီးများ၊ နှစ်ပေါင်းသန်းချီ သက်တမ်းရှိသည့် သဘာဝလိုဏ်ဂူကြီးများနှင့် အေးချမ်းလှသော ရေပြာအိုင်များ ဝန်းရံတည်ရှိရာ ကမ္ဘာလှည့်ခရီးသည်များ အကြိုက်ဆုံး ဒေသတစ်ခု ဖြစ်ပါသည်။ ၎င်းအပြင် စိတ်ဝင်စားဖွယ် ကရင်ရိုးရာ ယဉ်ကျေးမှုများနှင့် ဓလေ့ထုံးတမ်းများကိုပါ တပါတည်း ထိတွေ့ခံစားနိုင်မည့် ထူးခြားသော မြို့တစ်မြို့ ဖြစ်သည်။
ခရီးစဉ်အသေးစိတ်လေ့လာရန် →ဇွဲကပင်တောင်နှင့် တောင်ဝိုင်းတောင်တို့ကဲ့သို့ စိန်ခေါ်မှုရှိပြီး ရှုခင်းလှပသော တောင်တန်းများ။
ဆဒ္ဒန်ဂူ၊ ကော့ဂွန်းဂူနှင့် ရသေ့ပျံဂူတို့ကဲ့သို့ အံ့ဖွယ်သဘာဝ လိုဏ်ဂူကြီးများနှင့် ရှေးဟောင်းလက်ရာများ။
ကန်သာယာနှင့် ရေပြာအိုင်တို့ကဲ့သို့ ကြည်လင်အေးမြလှသော သဘာဝစမ်းရေအိုင်များနှင့် အပန်းဖြေစခန်းများ။
ရိုးရာဒုံးယိမ်းအက၊ ဖားစည်ယဉ်ကျေးမှုနှင့် လက်ချည်ပွဲကဲ့သို့ အနှစ်သာရရှိလှသော ကရင်ရိုးရာဓလေ့များ။
ဘားအံမြို့သို့ ရောက်ရှိလျှင် မဖြစ်မနေ သွားရောက်လည်ပတ်သင့်သည့် အလှပဆုံး တောင်တန်းများနှင့် အံ့ဖွယ်နေရာများ
ဓါတ်ပုံဆရာများစွာနှင့် ခရီးသွားများ စွဲမက်နှစ်သက်ကြသော သဘာဝရှုခင်းများနှင့် ဆွဲဆောင်မှုရှိသော ရှုထောင့်များ
ပုဂံထက်စောပြီး ပျူခေတ်လောက်ကတည်းက အုတ်ခွက်ဘုရားတွေကျန်နေသေးတဲ့ ကော့ဂွန်းဂူ…
သဘာဝအတိုင်း နက်ပြာရောင်တောက်နေသည့် စမ်းရေအိုင်အလှ။
တောင်တန်းကြီးနှင့် လယ်ကွင်းစိမ်းစိမ်းတို့ သဟဇာတဖြစ်နေပုံ။
နံနက်ခင်း တိမ်ပင်လယ်နှင့် နေဝန်းနီနီ တက်လာသည့် ရင်သပ်ရှုမောဖွယ် အလှ။
ညနေစောင်းချိန်တွင် လင်းနို့သန်းပေါင်းများစွာ တန်းစီထွက်လာသည့် အံ့ဖွယ်မြင်ကွင်း။
ညနေခင်း လမ်းလျှောက်ရင်း ဇွဲကပင်တောင်ရိပ် ရေပြင်ပေါ်ကျနေတာကို ကြည့်ရမည့်နေရာ။
ဘားအံမြို့၏ လှပသော သဘာဝရှုခင်းများအပြင် စွဲမက်ဖွယ်ကောင်းလှသော ကရင်ရိုးရာ ဓလေ့ထုံးတမ်းများနှင့် အစားအသောက်များ
နီစွေးသော ကရင်ရိုးရာသင်တိုင်း ဝတ်စုံများသည် ရိုးရှင်းခြင်း၊ ဖြူစင်ခြင်းနှင့် စည်းလုံးခြင်းတို့ကို ဖော်ဆောင်ပါသည်။ လှပသွက်လက်ပြီး စည်းချက်ညီလှသော ကရင်ရိုးရာ ဒုံးယိမ်းအကသည်လည်း ကရင်လူမျိုးတို့၏ တက်ကြွမှုနှင့် ရဲရင့်ဖျတ်လတ်သော စိတ်ဓာတ်ကို ပြသသည့် အဓိက ယဉ်ကျေးမှု အနုပညာတစ်ခု ဖြစ်ပါသည်။
ဘားအံသို့ ရောက်လျှင် မဖြစ်မနေ မြည်းစမ်းကြည့်ရမည့် အစားအစာကတော့ ကရင်ရိုးရာ "တာလပေါ့ဟင်း" ဖြစ်သည်။ မျှစ်၊ ဟင်းသီးဟင်းရွက် အဆန်းများနှင့် ဆန်လှော်မှုန့်ကို အခြေခံပြီး ချက်ပြုတ်ထားသောကြောင့် ထူးခြားသော ဟင်းရည်အနှစ်ရသာနှင့် သဘာဝအနံ့ကို ပေးစွမ်းနိုင်ပြီး ကျန်းမာရေးနှင့်လည်း အလွန်ညီညွတ်လှသည့် ရိုးရာအစားအစာစစ်စစ် ဖြစ်သည်။